بہترسروس ڈیلیوری کے لیے پی ٹی اے کی جانب سے ڈیٹا سینٹر کا آغاز

منگل 20 فروری 2024 22:29

اسلام آباد (اُردو پوائنٹ اخبارتازہ ترین - این این آئی۔ 20 فروری2024ء) پاکستان ٹیلی کمیونیکیشن اتھارٹی (پی ٹی ای) نے آج اپنے ٹیئر 3 کمپلائنٹ ڈیٹا سینٹر کا افتتاح کیا۔اس تقریب میں نگران وفاقی وزیر برائے آئی ٹی اینڈ ٹیلی کام، ڈاکٹر عمر سیف نے پی ٹی اے ہیڈ کوارٹر، اسلام آباد میں شرکت کی۔ نیا قائم کردہ ڈیٹا سینٹر جدید ٹیکنالوجی اور آپریشنل سہولیات سے مزین ہے اور کارکردگی او ر اعتماد پر مبنی ہے جو کہ 24x7 نیٹ ورک آپریشن سینٹر (این او سی) اور سیکیورٹی آپریشن سینٹر (ایس او سی) پر مشتمل ہے۔

(جاری ہے)

اس موقع پر اظہار خیال کرتے ہوئے نگراں وفاقی وزیر نے کہا کہ یہ اقدام ڈیجیٹل طور پر مضبوط پاکستان کے لیے ہمارے وڑن سے ہم آہنگ ہے اور جدید اور محفوظ ڈیجیٹل خدمات کی فراہمی کے لیے حکومت کے عز ا ئم کی تشریح کرتا ہے۔چیئرمین پی ٹی اے، میجر جنرل (ریٹائرڈ) حفیظ الرحمان نے ڈیٹا سینٹر کے کامیاب قیام میں شامل تمام اسٹیک ہولڈرز کی مشترکہ کوششوں کو سراہا. انہوں نے کہا کہ یہ ڈیٹا سینٹر بنیادی طور صارفین اور ٹیلی کام آپریٹر وں کے لیے مختلف قسم کی ای سروسز مینجمنٹ کی فراہمی کے لئے ایک مرکزی پلیٹ فارم کے طور پر فعال ہی.