پشاور ، بیشتر علاقوں میں سوئی گیس بحران تھمنے کا نام نہیں لے رہا

پیر 4 مارچ 2024 21:15

پشاور(اُردو پوائنٹ اخبارتازہ ترین - این این آئی۔ 04 مارچ2024ء) پشاور کے بیشتر علاقوں میں سوئی گیس بحران تھمنے کا نام نہیں لے رہا جسکے باعث شہری مہنگے داموں ایل پی جی گیس خریدنے پر مجبور ہیں ۔

(جاری ہے)

شہریوں نے مطالبہ کیاکہ گیس کی فراہمی فوری ممکن بنانے کیلئے اقدامات اٹھا کر ریلیف فراہم کیا جائے شہر کے علاقوں مومین ٹائون ، حاجی ٹاؤن، خواجہ ٹاؤن، شاہنواز ٹاؤن، صمدو گڑھی، باجوڑی محلہ، مدینہ کالونی، بشیر آباداور سعید آباد نمبر ،تاج آباد ،دانش آباد اور دیگر علاقوں میں سوئی گیس لوڈشیڈنگ کے باعث شہریوں کو شدید مشکلات کا سامنا ہے ۔

شہریوں کے مطابق گیس مہنگی ہونے اور بقائدگی سے بلوں کی ادائیگی کے باوجود گیس دستیاب نہ ہونا سراسر ظلم ہے دوسری جانب ایل پی جی گیس بھی بہت مہنگی ہے جو غریب عوام کے دسترس سے باہر ہے ۔شہریوں نے مطالبہ کیا کہ سوئی گیس کی فراہمی کیلئے فوری اقدامات اٹھا کر ریلیف فراہم کیا جائے ۔