سندھ،سینیٹ انتخاب، پی پی 10نشستوں پر کامیاب،فیصل واوڈا بھی جیت گئے

کراچی (اُردو پوائنٹ اخبارتازہ ترین - این این آئی۔ 02 اپریل2024ء) سندھ اسمبلی میں سینٹ کی 12نشستوں میں سے 10نشستوں پرپیپلزپارٹی جبکہ ایک نشست پرایم کیوایم اورآزاد امیدوارفیصل واوڈا ایک جنرل نشست پرکامیاب ہوگئے،سنی اتحاد کونسل کے 9 اورجماعت اسلامی کے ایک رکن نے پولنگ کا بائیکاٹ کیا۔سندھ اسمبلی کے ایوان میں سینیٹ الیکشن کے لیے صبح 9 بجیسے شام 4 بجے تک بغیرکسی وقفے کے پولنگ جاری رہی سندھ اسمبلی کے اہل ووٹرز کی تعداد 165 تھی، 168 کے ایوان میں سے 154 ارکان نے ووٹ کاسٹ کیے۔

پیپلزپارٹی کے 117 اراکین اورایم کیوایم کے 37 اراکین نے ووٹ کاسٹ کیا۔سندھ سے سینیٹ کی 12 نشستوں کے لیے 19 امیدوارمدمقابل تھے تاہم تحریک انصاف کے حمایت یافتہ سنی اتحاد کونسل کے 7 امیدواروں کے ووٹنگ کیبائیکاٹ کے باعث پیپلزپارٹی ایم کیوایم اورآزاد امیدوارفیصل واوڈا نے پی پی ایم کیوایم مشترکہ ووٹوں کی بدولت بآسانی کامیابی حاصل کرلی۔

(جاری ہے)

سندھ سے سینیٹ کی 12 نشستوں میں 7 جنرل نشستوں پر پیپلز پارٹی کے اشرف علی جتوئی، دوست علی جیسر، سید کاظم علی شاہ، سید مسرور احسن، ندیم احمد بھٹو، ایم کیو ایم پاکستان کے عامر علی الدین چشتی جبکہ آزاد امیدوار فیصل واڈا سینیٹرمنتخب ہوگئے جبکہ پی ٹی آئی کے حمایت یافتہ آزاد امیدواروں میں علی طاہر، میر راجا خان جھکرانی، عبدالوہاب کوووت نہیں پڑے۔

خواتین کی 2 مخصوص نشستوں کے لیے پیپلزپارٹی کی روبینہ قائم خانی اور قر العین مری سینیٹرمنتخب ہوگئیں جبکہ پی ٹی آئی کی حمایت یافتہ مہہ جبین ریاض کوووٹ کاسٹ نہیں ہوا۔ ٹیکنو کریٹ،علما کی 2 نشستوں پر پیپلز پارٹی کے ضمیر حسین گھمرو اورسیئرصحافی سرمد علی سینیٹرمنتخب ہوگئے جبکہ پی ٹی آئی کے حمایت یافتہ عبدالوہاب اور منظور احمد بھٹہ کوووٹ کاسٹ نہیں ہوئے اقلیت کی ایک نشست پر پیپلز پارٹی کے پونجو مل بھیل سینیٹرمنتخب ہوگئے اورپی ٹی آئی کے آزاد امیدوار بھگوان داس کوووٹ کاسٹ نہیں ہوئے۔

پی ٹی آئی امیدواروں کے بائیکاٹ کی وجہ سے پیپلزپارٹی،ایم کیوایم اورآزاد امیدوارفیصل واوڈابغیر کسی فارمولے کے کامیاب ہوگئے۔ایم کیو ایم کے 37 اراکین نے جنرل نشت پر اپنے امیدوار عامر چشتی کو 22 ووٹ کاسٹ کیے اورباقی ووٹ آزاد امیدوار فیصل واوڈا کے حق میں کاسٹ پیپلز پارٹی کے چھ اراکین نے بھی آزاد امیدوار فیصل واوڈا کو ووٹ کا سٹ کیا۔