پاک امریکا سیکیورٹی پارٹنر شپ بڑھائیں گے، امریکا

یہ ہمارے لیے ایک ترجیح رہی ہے اور آئندہ بھی رہے گی،ترجمان محکمہ خارجہ

جمعرات 4 اپریل 2024 12:10

واشنگٹن(اُردو پوائنٹ اخبارتازہ ترین - این این آئی۔ 04 اپریل2024ء) ترجمان امریکی محکمہ خارجہ میتھیو ملر نے کہا ہے کہ امریکا اور پاکستان کے درمیان سیکیورٹی پارٹنر شپ کو وسعت دیتے رہیں گے۔غیرملکی خبررساں ادارے کے مطابق واشنگٹن میں پریس بریفنگ کے دوران انہوں نے کہا کہ یہ ہمارے لیے ایک ترجیح رہی ہے اور آئندہ بھی رہے گی۔

(جاری ہے)

سکھ علیحدگی پسند رہنما ہردیپ سنگھ نجر کے قتل سے متعلق سوال پر میتھیو ملر کا کہنا تھا کہ بھارتی حکومت پر واضح کیا ہے کہ ہم ان سے مکمل تحقیقات دیکھنا چاہتے ہیں، ان تحقیقات کے نتائج کا انتظار کررہے ہیں۔

طالبان کو اقوام متحدہ کی طرف سے امداد پر کہا کہ شراکت داروں سے کہتے ہیں یہ یقینی بنایا جائے کہ امداد ان تک پہنچے جنہیں اس کی ضرورت ہے۔انہوں نے مزید کہا کہ ہمیں امدادی پروگراموں کو نافذ کرنے والی تنظیموں سے رپورٹنگ کی بھی ضرورت ہوتی ہے، امداد کی فراہمی سے متعلق تشویش ہو تو ہمارے پاس منصوبے اور پروٹوکول موجود ہیں۔میتھیو ملر کا کہنا تھا کہ اس خطرے کو کم کرنے کی کوشش کرتے ہیں کہ امریکی امداد کا بالواسطہ طور پر طالبان کو فائدہ پہنچ سکے۔