بنگلہ دیش کے رکن قومی اسمبلی انوار العظیم بھارت میں لاپتہ ، قتل کئے جانے کا خدشہ

بدھ 22 مئی 2024 22:36

ڈھاکہ (اُردو پوائنٹ اخبارتازہ ترین - آن لائن۔ 22 مئی2024ء) بنگلا دیش کی اسمبلی کے رکن انوار العظیم بھارت میں لاپتا ہوگئے ہیں۔ بھارتی میڈیا کے مطابق بنگلا دیش کی اسمبلی کے رکن انوار العظیم کا تعلق حکمران جماعت عوامی لیگ سے ہے اور وہ علاج کی غرض سے 12 مئی کو بھارتی ریاست مغربی بنگال پہنچے تھے۔

(جاری ہے)

بھارتی میڈیا کا بتانا ہے کہ رکن اسمبلی انوار العظیم 12 مئی کو مغربی بنگال میں اپنے دوست بسواس کے گھر کلکتہ پہنچے تھے جہاں سے وہ 2 دن بعد لاپتا ہوگئے جس پر ان کے دوست نے پولیس میں شکایت درج کروائی۔

پولیس کے مطابق رکن اسمبلی کا موبائل بھی بند جارہا ہے، پولیس کو خدشہ ہے کہ انہیں قتل کردیا گیا ہے اور ان کی لاش کو کلکتہ کے نیوٹاؤن کے علاقے میں کہیں دفن کیا گیا ہے۔ رپورٹس کے مطابق رکن اسمبلی انوار العظیم کے اہل خانہ نے اس معاملے کو بنگلادیشی وزیراعظم شیخ حسینہ واجد کے سامنے بھی اٹھایا ہے۔