فلسطینی بنک اکائونٹس کی معطلی سے بحران پیدا ہوگا ، امریکی وزیرخزانہ

روم(اُردو پوائنٹ اخبارتازہ ترین - این این آئی۔ 24 مئی2024ء) امریکی وزیر خزانہ جینٹ ییلن نے کہا ہے کہ فلسطینیوں کے بینک اکانٹس کی معطلی سے بحران پیدا ہوگا۔عرب ٹی وی کے مطابق صحافیوں سے بات کرتے ہوئے جینٹ ییلن نے کہا کہ اسرائیل کی کارروائی کی دھمکیوں سے پریشان ہوں ۔ اسرائیل کے ایسا کرنے سے فلسطینی بنکوں کو اسرائیلی کورسپانڈٹ بنکوں سے منقطع کر دیا جائے گا۔

(جاری ہے)

انہوں نے مزید کہاکہ کورسپانڈٹ بنکنگ کا چینل ان بینکوں کے لیے نہایت اہمیت کا حامل ہے جو اسرائیل سے سالانہ تقریبا 8 بلین ڈالر درآمد کرتے ہیں۔ جس میں بجلی، پانی، ایندھن اور خوراک کی مدت بھی شامل ہیں۔وزیر خزانہ نے بتایا کہ اس سلسلے میں اسرائیلی وزیراعظم نیتن یاہو کو تقریبا ایک ماہ قبل خط لکھا تھا جس میں مغربی کنارے کی معاشی صورتحال کا ذکر کیا گیا تھا۔انہوں نے مزید کہا کہ فلسطینی بنکوں کا رابطہ اسرائیلی بنکوں سے ختم کیا گیا تو بحران کا خدشہ ہے۔ اس کے لیے ہم آواز اٹھائیں گے۔ اس سلسلے میں گروپ 7 میں تبادلہ خیال کیا جا سکتا ہے۔ نیز اسرائیلی دھمکیوں کے پورا ہونے کے اثرات اسرائیل پر بھی پڑیں گے۔