ملک میں ایک طرف عوام سخت گرمی سے بے حال، دوسری طرف پی ڈی ایم اے نے رواں مون سون سیزن میں 100فیصد سے زائد بارشوں کی پیشگوئی کردی

ہفتہ 25 مئی 2024 22:46

کراچی (اُردو پوائنٹ اخبارتازہ ترین - آن لائن۔ 25 مئی2024ء) ملک میں ایک طرف عوام سخت گرمی سے بے حال تو دوسری طرف پی ڈی ایم اے نے رواں مون سون سیزن میں 100فیصد سے زائد بارشوں کی پیشگوئی کردی ، کمشنر کراچی کی زیر صدارت اہم اجلاس میں کے ایم سی، کے ڈی اے اور دیگر اداروں کو کنٹی جنسی اور ایمرجنسی پلانز مرتب کرنے کی ہدایت جاری کردی گئی ۔کمشنر کراچی کی زیر صدارت اجلاس میں ڈی جی پی ڈی ایم اے نے سلمان شاہ نے شرکاء کو بتایا کہ کراچی میں کٴْل198 نشیبی علاقے ہیں جس میں سی29 حساس ہیں، کمشنرکراچی نے شدیدبارشوں کے پیش نظراداروں کو ہنگامی پلان بنانے کی ہدایت کی، کہا کے ایم سی، کے ڈی اے، ٹی ایم سیز ودیگرادارے ایمرجنسی پلانز مرتب کرلیں، متعلقہ ادارے تیارنہ ہوئے توبڑا نقصان ہوسکتاہے۔

دوسری جانب ملک کے بیشتر حصوں میں گرمی کی شدت آج برقرار ہیں۔

(جاری ہے)

موہنجو داڑو پہلی بار 51 ڈگری پر کھول اٴْٹھا۔ جیکب آباد میں درجہ حرارت نے نصف سنچری کرلی۔ روہڑی، لاڑکانہ، سکھر اور دادو میں 49 ڈگری سینٹی گریڈ ریکارڈ کیا گیا۔ حیدر آباد، راجن پور اور سوئی میں 47، ملتان اور بہاولپور 46 جبکہ فیصل آباد میں پارہ 45 ڈگری تک چلا گیا۔محکمہ موسمیات کے مطابق بالائی خیبر پختونخوا، گلگت بلتستان اور کشمیر میں مطلع جزوی ابر آلودلود رہنے کے علاوہ تیز ہوائوں اور گرج چمک کے ساتھ چند مقامات پر بارش کا امکان ہے۔