نان فائلر ٹیلی کام صارفین سے 75 فیصد ایڈوانس ٹیکس وصولی ناقابل عمل ہے

ٹیلی کام آپریٹرز ایسوسی ایشن نے آئی ٹی سیکٹر کیلئے ٹیکس تجاویز مسترد کردیں

اتوار 16 جون 2024 15:30

نان فائلر ٹیلی کام صارفین سے 75 فیصد ایڈوانس ٹیکس وصولی ناقابل عمل ہے
&اسلام آباد(اُردو پوائنٹ اخبارتازہ ترین - آن لائن۔ 16 جون2024ء) پاکستان ٹیلی کام آپریٹرز ایسوسی ایشن نے آئی ٹی سیکٹر کیلئے ٹیکس تجاویز مسترد کردیں۔پاکستان ٹیلی کام آپریٹرز ایسوسی ایشن نے سینیٹ کی قائمہ کمیٹی خزانہ کے چیئرمین کو خط لکھ دیا۔ٹیلی کام آپریٹرز نے اپنے تحفظات پیش کرنے کیلئے چیئرمین کمیٹی سلیم مانڈوی والا سے وقت مانگ لیا۔

(جاری ہے)

خط میں کہا گیا ہے کہ ٹیلی کام سیکٹر نے گزشتہ سال 340 ارب روپے کی ٹیکس وصولی میں اہم کردار ادا کیا، نئے فنانس بل کی تجاویز پر عملدرآمد سے پہلے سے مشکلات سے دوچار صنعت کا قتل ہوگا۔ خط میںکہا گیا ہے کہ تجاویز پر عملدرآمد سے ڈیجیٹل پاکستان کا خواب بھی بری طرح متاثر ہوگا،نان فائلر ٹیلی کام صارفین سے 75 فیصد ایڈوانس ٹیکس وصولی ناقابل عمل ہے۔اس فیصلے سے آئی ٹی شعبے کی محصولات کا نقصان ہوگا۔پانچ سو ڈالر مالیت تک موبائل فون سیٹ پر سیلز ٹیکس کی شرح بڑھنے سے کم آمدن طبقے کی شمولیت کو نقصان ہوگا۔