وکی لیکس کے بانی جولیان اسانج کو آزادی مل گئی

امریکی محکمہ انصاف سے ڈیل کے سبب اسانج کو مزید سزا نہیں سنائی جائے گی

منگل 25 جون 2024 11:05

لندن(اُردو پوائنٹ اخبارتازہ ترین - این این آئی۔ 25 جون2024ء) بیلمارش جیل میں 1901روز سے قید جولیان اسانج کو آزادی مل گئی۔غیرملکی خبررساں ادارے کے مطابق وکی لیکس کے بانی کو لندن کی ہائی کورٹ نے ضمانت پر رہائی دیدی ہے جس کے بعد وہ برطانیہ سے روانہ ہوگئے ہیں۔

(جاری ہے)

اسانج نے رہائی کے بدلے امریکی محکمہ انصاف سے اعتراف جرم پر آمادگی کی ڈیل کرلی ہے۔جولین اسانج نے 2010 میں امریکا کی خفیہ معلومات جاری کردی تھیں۔وہ ماریانہ آئی لینڈز کی وفاقی عدالت میں پیش ہوں گے، ان پر جاسوسی ایکٹ کے تحت عائد الزام کو تسلیم کریں گے۔امریکی محکمہ انصاف سے ڈیل کے سبب اسانج کو مزید سزا نہیں سنائی جائے گی۔