نہال ہاشمی کی کراچی میں کے الیکٹرک کیساتھ کسی اور کمپنی کے ہونے کی حمایت

پیر 1 جولائی 2024 21:45

کراچی (اُردو پوائنٹ اخبارتازہ ترین - این این آئی۔ 01 جولائی2024ء) مسلم لیگ (ن)کے رہنماء نہال ہاشمی نے کراچی میں کے الیکٹرک کے ساتھ کوئی اور کمپنی ہونے کے مطالبے کی حمایت کردی۔کراچی میں آل پارٹیز کانفرنس سے خطاب کرتے ہوئے لیگی رہنماء نہال ہاشمی نے کہا کہ حکمران جماعت کے ساتھ وابستگی کی وجہ سے اکثر تنقید کا سامنا کرنا پڑتا ہے۔انہوں نے کہا کہ ہم بھی ان مشکلات کا سامنا کرتے ہیں، کے الیکٹرک کوئی سرکاری ادارہ نہیں۔

(جاری ہے)

انہوں نے کہا کہ سرکاری ہوں یا غیر سرکاری، بجلی کی پریشانی سے سب متاثر ہیں، میرا بچہ اگر بھوک سے تڑپ رہا ہے اور بجلی کا بل دینا ہے تو میرے لئے کوئی قانون مروت نہیں ہوگی۔انہوں نے کہا کہ اصولی طور پر تو آئی ایم ایف والوں کو بھی یہاں ہونا چاہئے تھا، کے الیکٹرک اور نیپرا کو بھی یہاں بلایا جاتا۔انہوں نے کہا کہ بغیر بتائے لوڈشیڈنگ کرتے سے ہمارا نقصان ہوتا ہے، کے الیکٹرک کے ساتھ کوئی اور کمپنی بھی ہونی چاہئے ۔انہوں نے کہا کہ یہ لوگ یہاں نہیں آئے تو کراچی کے لوگ ان کو بلائیں گے۔