محرم الحرام کے حوالے سے آئی جی سندھ غلام نبی میمن صاحب کا میرپورخاص رینج میں ویڈیو لنک اجلاس

میرپورخاص ( اُردو پوائنٹ اخبارتازہ ترین۔ 02 جولائی 2024ء ) میرپورخاص امروز ڈی آئی جی آفس رینج میں آئی جی سندھ غلام نبی میمن کی سربراہی میں میرپورخاص رینج میں محرم الحرام کے حوالے سے ویڈیو لنک اجلاس منعقد ہوا ، اجلاس میں ڈی آئی جی میرپورخاص رینج جناب جاوید سونہارو جسكانی، ایس ایس پی میرپورخاص کیپٹن (ر) محمد اسد چودری, ایس پی عمر کوٹ آصف رضا بلوچ، ایس پی تھرپارکر شبیر احمد سیٹھار اور میرپورخاص ڈویژن سے تعلق رکھنے والے اہل تشیع علماء، ذاکرین اور منتظمینِ جلوس و مجالس پر مشتمل پانچ رکنی وفد جن میں سید حمزہ نقوی منتظم اعلیٰ درگاہ مکھن شاہ و میمبر پیس کمیٹی میرپورخاص ، عباس علی شاہ متولی مرکزی امارم بارگاہ پنج پیر عمرکوٹ، غضنفر علی عمر کوٹ، صابر فقیر صوبائی نائب صدر شیعہ علماء کونسل و انچارج عزاداری سیل مٹھی، سید شمس الزمان ڈسٹرکٹ پریزیڈنٹ شیعہ علما کونسل تھرپارکر نے شرکت کی ، اجلاس میں یکم تاعاشورہ محرم اور بعداذاں سوئم حضرت امام حسینؓ کے موقع پر ترتیب دیئے جانیوالے کنٹی جینسی پلان پر تفصیلی تبادلہ خیال کیا اور اپنی جانب سے مزید ضروری تجاویز اور سفارشات پیش کیں۔

(جاری ہے)

وفد کے اراکین نے رواں سال یکم تا دس محرم پولیس کی جانب سے فول پروف کنٹی جینسی پلان کی ترتیب اور اسکے تحت اختیارکردہ مجموعی سیکیورٹی اقدامات پر اپنے مکمل اطمینان کا اظہار کیا اور اپنی جانب سے پولیس کو مکمل تعاون کی یقین دہانی کرائی۔ اس موقع پر اجلاس میں شریک وفد نے یہ بھی یقین دلایا کہ وہ باہمی محبت اخوت اوربھائی چارگی کی فضاء کو نا صرف پروان چڑھائیں گے بلکہ باہمی روابط کو مذید تقویت دیتے ہوئے ضلعوں کی سطح پر بین المسالک/مکاتب ہم آہنگی کے فروغ جیسے اقدامات کو اسکی روح کے مطابق انفرادی اوراجتماعی کاوشوں سے بھی یقینی بنائیں گے۔

آئی جی سندھ نے ڈی آئی جی میرپورخاص کو ہدایات دیں کہ مرتب کیئے جانیوالے محرم کنٹی جینسی پلان میں یکم تا عاشورہ محرم کے سیکیورٹی اقدامات سمیت چہلم حضرت امام حسینؓ کے موقع پر بھی تمام جلوسوں،مرکزی جلوس،مجالس ودیگر اجتماعات کی سیکیورٹی کو انتہائی ٹھوس اور فول پروف بنایا جائے اور اس حوالے سے رینجرز سندھ وقانون نافذ کرنیوالے دیگر اداروں/انٹیلی جینس ایجینسیوں سے مربوط روابط پر خصوصی فوکس رکھا جائے جبکہ محرم کنٹی جینسی پلان کی ترتیب میں اہل تشیع اور اہلسنت علماء/ذاکرین کی جانب سے پیش کردہ تجاویز اور مشاورت کو بھی شامل کیا جائے۔

انہوں نے اجلاس کے شرکاء کو مخاطب کرتے ہوئے کہا کہ ہمیں لوگوں کے ساتھ احسن سلوک اور برتاؤ جیسے عمل کو ہر سطح پر فروغ دینا ہوگا اورانفرادی و اجتماعی سطح پر صبروتحمل اورقوت برداشت کو مذید تقویت دینا ہوگی جوکہ بلاشبہ حقیقی امن وخوشحالی کے متقاضی ہیں۔ اجلاس کے اختتام پر وفد کے شرکاء نے ملک وقوم کی ترقی خوشحالی اور سالمیت کی مشترکہ طور پر دعا کی