جمعہ کے روز سپریم کورٹ کے اقتدار کے ایوانوں کو ہلانے والے تاریخی فیصلے

جمعہ 12 جولائی 2024 21:00

اسلام آباد (اُردو پوائنٹ اخبارتازہ ترین - این این آئی۔ 12 جولائی2024ء) سپریم کورٹ نے جمعہ کو پی ٹی آئی کو مخصوص نشستیں دینے کا حکم دے کر بابرکت روز ہونیوالے بڑے فیصلوں کی روایت برقرار رکھی ۔

(جاری ہے)

تفصیلات کے مطابق سپریم کورٹ نے جمعہ کو تاریخی فیصلے دینے کی روایت برقرار رکھتے ہوئے 12جولائی 2024ء بروز جمعہ کو پشاور ہائی کورٹ کا فیصلہ اور الیکشن کمیشن کا حکم کالعدم قرار دیتے ہوئے مخصوص نشستیں پاکستان تحریک انصاف کود ینے کا حکم دیدیا۔

اس کے علاوہ سپریم کورٹ نے 31جولائی 2009ء بروز جمعہ کوسپریم کورٹ نے پرویزمشرف کے مارشل لا کوغیر آئینی قرار دیا۔28جولائی 2017 بروز جمعہ کو پاناما کیس میں نواز شریف کو تاحیات نااہل کیا گیا۔15دسمبر 2017 کو جمعہ کے روز جہانگیر ترین کو سپریم کورٹ نے نااہل قرار دیا۔6جولائی 2018 بروز جمعہ کو نواز شریف اور مریم نواز کو ایون فیلڈ ریفرنس کیس میں سزا ہوئی۔