جنو بی پنجاب میں چند مقامات پر آندھی اور گرج چمک کے ساتھ بارش کا امکان ہے ،ترجمان محکمہ موسمیات

پیر 15 جولائی 2024 17:10

لاہور (اُردو پوائنٹ اخبارتازہ ترین - اے پی پی۔ 15 جولائی2024ء) محکمہ موسمیات نے پیشگوئی کی ہے کہ آئندہ 24 گھنٹوں کے دوران صوبائی دارالحکومت لاہور سمیت بیشتر شہروں میں مو سم گرم و مر طوب تا ہم جنوبی علاقوںمیں چند مقامات پر آندھی،جھکڑ چلنے اور گرج چمک کے ساتھ بارش کا امکان ہے۔ترجمان محکمہ موسمیات کے مطابق گزشتہ روز پنجاب کے بیشتر علاقوں میں موسم خشک اور گرم رہا تاہم جنوبی پنجاب کے چند علاقوں میں گرج چمک کے ساتھ بارش ہو ئی ۔

(جاری ہے)

لاہور میں کم سے کم درجہ حرارت 29 اور زیادہ سے زیادہ 39 سینٹی گریڈ ریکارڈ کیا گیا جبکہ ہوا میں نمی کا تناسب 45 فیصد رہا۔لا ہور میں آلودگی کی مجموعی شرح153 فیصد رہی جبکہ شہر کے مختلف علاقوں میں ایئر کوالٹی انڈیکس ریونیو سوسائٹی میں163،سید مراتب علی روڈ 212،ٹھو کر نیاز بیگ177 ،آرک اسٹیشن ون 161،یو ایم ٹی154،جو ہر ٹائون بلاک اے 152،ذکی فارمز161،پاکستان انجینئرنگ سروسز 171،یو ایس قونصلیٹ 153 اور فیز ایٹ ایوی گرین146 ایئر کوالٹی انڈیکس ریکارڈ کیا گیا۔