ژوب، شیرانی، بارکھان، موسیٰ خیل، ڈیرہ بگٹی، قلات، خضدار، نصیر آباد، زیارت، لسبیلہ اور حب میں گرج چمک کے ساتھ بارش کا امکان ہے، محکمہ موسمیات

ہفتہ 20 جولائی 2024 17:33

کوئٹہ (اُردو پوائنٹ اخبارتازہ ترین - اے پی پی۔ 20 جولائی2024ء) علاقائی موسمیاتی مرکز بلوچستان کے مطابق ہفتہ کو ژوب، شیرانی، بارکھان، موسیٰ خیل، ڈیرہ بگٹی، قلات، خضدار، نصیر آباد، قلعہ سیف اللہ، لورالائی، سبی، دکی، زیارت، لسبیلہ اور حب میں گرج چمک کے ساتھ بارش کا امکان ہے۔ صوبائی دارالحکومت کوئٹہ، آواران، صحبت پور، جعفرآباد، جھل مگسی اور مستونگ میں جزوی طور پر ابر آلود ہوائیں چلنے اور ہلکی بارش کا امکان ہے۔

صوبے کے دیگر اضلاع میں موسم گرم مرطوب رہنے کا امکان ہے۔

(جاری ہے)

اتوار کو صوبے کے بیشتر اضلاع میں موسم گرم مرطوب رہنے کی توقع ہے۔چاغی، پنجگور، واشک اور کیچ میں درجہ حرارت انتہائی گرم رہے گا۔ ژوب، بارکھان، شیرانی، موسیٰ خیل، قلات، خضدار، آواران، لسبیلہ، حب اور گردونواح میں چند ایک مقامات پر تیز ہواوں اور آندھی کے ساتھ گرج چمک اور بارش کا امکان ہے۔گزشتہ 24 گھنٹوں کے دوران سب سے زیادہ درجہ حرارت دالبندین میں (44 °C) ڈگری سینٹی گریڈ ریکارڈ کیا گیا جبکہ تربت اور نوکنڈی میں (43°C)، لسبیلہ میں (41°C)، پنجگور میں (40°C)، کوئٹہ، پسنی اور گوادر میں (37°C) ڈگری سینٹی گریڈ ریکارڈ کیا گیا۔