لاہور سمیت پنجاب کے بیشترعلاقوں میں موسم گرم اور شدید حبس ، با لائی علاقوں میں بارش کا امکان ، محکمہ موسمیات

پیر 22 جولائی 2024 22:03

لاہور (اُردو پوائنٹ اخبارتازہ ترین - اے پی پی۔ 22 جولائی2024ء) صوبائی دارالحکومت لا ہور سمیت پنجاب کے بیشتر علاقوں میں آئندہ چوبیس گھنٹوں کے دوران موسم گرم اور شدید حبس رہے گا ، با لائی علاقوں میں چند مقامات پر آندھی،جھکڑ چلنے اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے ترجمان کے مطابق گزشتہ چوبیس گھنٹوں کے دوران پنجاب کے بیشتر علاقوں میں موسم گرم اور شدید حبس رہا تا ہم شمال مشرقی علاقوں میں چند مقامات پر موسلا دھار بارش بھی ریکارڈ ہو ئی۔

لاہور میں کم سے کم درجہ حرارت 29 جبکہ زیادہ سے زیادہ 37 سینٹی گریڈ ریکارڈ کیا گیا،ہوا میں نمی کا تناسب 57 فی صد رہا،لا ہور میں آلودگی کی مجموعی شرح 136 فیصد رہی،اسی طرح شہر کے دیگر علاقوں پاکستان انجنیئرنگ سروسز 175،ذکی فارمز 172،سید مراتب علی روڈ 170،ریونیو سوسائٹی میں176،یو ایم ٹی166،سی ای آر پی آفس177،ٹھو کر نیا ز بیگ167،آرک سٹیشن ون 163 اور فیز 8 ایوی گرین میں ائیر کوالٹی انڈیکس 190ریکارڈ کیا گیا۔