پی ایس ای آر کے تحت رجسٹرڈ افرادہمت کارڈ ، کسان کارڈ ، لیپ ٹاپ سے مستفید ہو سکیں گے، ڈپٹی کمشنر شیخوپورہ

پیر 29 جولائی 2024 16:44

شیخوپورہ (اُردو پوائنٹ اخبارتازہ ترین - اے پی پی۔ 29 جولائی2024ء) اسسٹنٹ کمشنرز شیخوپورہ ڈاکٹر وقار علی خان نے مستحقین کا پی ایس ای آر کے تحت ڈیٹا اکٹھا کرنے کے عمل ، سائلین کے لیے بیٹھنے کا انتظامات سمیت دیگر اقدامات کا تفصیلی جائزہ لیا اور اس میں مزید بہتری کے لیے ہدایات جاری کیں ۔

(جاری ہے)

ڈپٹی کمشنر نے کہا کہ پنجاب سوشو اکنامک رجسٹری پروگرام کے تحت رجسٹرڈ افراد حکومت پنجاب کے ہمت کارڈ ، کسان کارڈ ، لیپ ٹاپ ، سکالرشپ پروگرام، ٹریکٹر سکیم ، مویشی کارڈ ، اپنی چھت اپنا گھر سے مستفید ہوسکیں گے ۔

ڈپٹی کمشنر نے کہا کہ وزیراعلیٰ پنجاب مریم نواز شریف کے انقلابی رجسٹری پروگرام کیلئے ایگزیکٹ ڈیٹا کا حصول ترجیح ہے۔مستحقین ضلع بھر میں قائم مراکز پر اور آن لائن بھی اپنی رجسٹریشن کروا سکتے ہیں ۔انہوں نے کہا کہ ضلع بھر کے تمام اسسٹنٹ کمشنرز پی ایس ای آر اور ستھرا پنجاب پروگرام کے عمل کی باقاعدہ نگرانی کریں،سٹاف اپنی ذمہ داریاں احسن طریقے سے انجام دے ، شفاف انداز میں حقیقی ڈیٹا کو ہرصورت یقینی بنایا جائے۔