20 سال سے میکسیکو پولیس میں تعینات اہلکار امریکا کو انتہائی مطلوب ملزم نکلا

واشنگٹن (اُردو پوائنٹ اخبارتازہ ترین - این این آئی۔ 06 اگست2024ء) حال ہی میں اشتہاری قرار دیے گئے ملزم کو امریکی پولیس نے میکسیکو سے گرفتار کرلیا ہے، تاہم یہ کیس اپنی نوعیت کا حیران کن اور منفرد کیس سامنے آ رہا ہے۔غیرملکی خبررساں ادارے کے مطابق امریکہ میں اشتہاری قرار دیا گیا ملزم انتونیو ریانو امریکہ سے فرار تھا، جبکہ اب اسے میکسیکو سے گرفتار کیا گیا ہے۔

(جاری ہے)

امریکی مارشل سروس کی جانب سے جاری بیان میں بتایا گیا ہے کہ امریکہ کی موسٹ وانٹڈ لسٹ میں شامل 62 سالہ انتونیو کو جمعرات کے روز میکسیکو کے شہر زاپوتتلان سے گرفتار کیا گیا ہے۔ذرائع کے مطابق انتونیو میکسیکو کے پولیس ڈپارٹمنٹ میں بطور مقامی پولیس افسر کام کر رہے تھے، جسے امریکی پولیس ایجنسی کو بھی حیران کردیا۔ جب ریانو کو گرفتار کیا گیا تو وہ بطور پولیس افسر کام کر رہے تھے، اتونیو ریانو 2004 سے اشتہاری قرار دیے جا چکے ہیں، جن پر 25 سالہ بنجامن بیکارا کو ریاست اوہائیو کے بار کے باہر قتل کا الزام تھا۔پولیس کے مطابق قتل کے بعد تحقیقات کے دوران انتونیو کے باتھ روم سے اسلحہ برآمد ہوا تھا، جس سے نوجوان کو قتل کیا گیا۔