چین کی ارشد ندیم کے طلائی تمغہ جیتنے اور اولمپک ریکارڈ قائم کرنے پر پاکستانی قوم کو مبارکباد

ہفتہ 10 اگست 2024 16:19

اسلام آباد (اُردو پوائنٹ اخبارتازہ ترین - اے پی پی۔ 10 اگست2024ء) چین نے پیرس اولمپکس میں ارشد ندیم کے طلائی تمغہ جیتنے اور اولمپک ریکارڈ قائم کرنے پر پاکستانی قوم کو مبارکباد دی ہے۔

(جاری ہے)

پاکستان میں چین کے سفارتخانے نے سماجی رابطے کے پلیٹ فارم ایکس پر پوسٹ میں کہا کہ پاکستانی اتھلیٹ ارشد ندیم کے 40 سال کے بعد اولمپکس میں پاکستان کا پہلا گولڈ میڈل جیتنے اور مردوں کے جیولن تھرو کا اولمپک ریکارڈ توڑنے پر ہمارے پاکستانی بھائیوں اور بہنوں کو بہت بہت مبارک ہو۔ پوسٹ میں ارشد ندیم کی وکٹری سٹینڈ پر تصویر بھی شیئر کی گئی ہے۔