گولڈ میڈلسٹ ارشد ندیم کیساتھ بھارتی و غیرملکی فینز کی سلفیاں

ہفتہ 10 اگست 2024 16:52

پیرس (اُردو پوائنٹ اخبارتازہ ترین - این این آئی۔ 10 اگست2024ء) پیرس اولمپکس میں ریکارڈ ساز تھرو کرنیوالے ارشد ندیم نے بھارتی و غیر ملکی مداحوں کے دل جیت لیے۔جیولین تھرو مقابلے میں گولڈ میڈل حاصل کرنے کے بعد نوجوان اولمپئین ارشد ندیم نے گراؤنڈ کا چکر لگایا تاہم اس دوران انہوں نے غیر ملکی فینز کے ہمراہ سیلفیاں بھی بنوائیں جس کی تصاویر سوشل میڈیا پر تیزی سے وائرل ہوگئیں۔

(جاری ہے)

میدان کا چکر لگانے کے دوران ارشد نے خصوصی طور پر بھارتی پرچم اٹھائے مداح کیساتھ تصویر بنوائی جس پر انہیں خوب داد دی ۔اسی طرح میدان میں موجود بچوں کو آٹو گراف بھی دیئے جس نے انکی مقبولیت میں مزید اضافہ کیا۔واضح رہے کہ اولمپکس گیمز میں پاکستان نے اپنا آخری مرتبہ 8 اگست 1992 میں کانسی کے تمغے کے ساتھ ہاکی ایونٹ میں حاصل کیا تھا جبکہ آخری گولڈ میڈل بھی ہاکی کی ہی بدولت 1984 میں حاصل ہوا تھا۔