امریکا کا مشرق وسطیٰ میں آبدوز اور طیارہ بردار جنگی بحری جہاز تعینات کرنے کا حکم

پیر 12 اگست 2024 14:52

واشنگٹن (اُردو پوائنٹ اخبارتازہ ترین - این این آئی۔ 12 اگست2024ء) مشرق وسطیٰ میں کشیدہ صورتحال کے بعد امریکی وزیر دفاع نے مشرق وسطیٰ میں میزائل بردار آبدوز اور ابراہم لنکن طیارہ بردار جنگی بحری جہاز تعینات کرنے کا حکم دے دیا۔

(جاری ہے)

پینٹاگون کے مطابق تعینات کی جانے والی آبدوز جارجیا یو ایس ایس ایٹمی آبدوز ہے۔اس سے قبل امریکی وزیر دفاع لائیڈ آسٹن نے اسرائیلی ہم منصب سے گفتگو کی تھی اور دعویٰ کیا تھا کہ ایران بڑے پیمانے پر حملے کی تیاری کررہا ہے۔ واضح رہے کہ حماس اور حزب اللّٰہ کے سینئر رہنماو?ں پر حملوں کے بعد ایران نے اسرائیل سے بدلہ لینے کا اعلان کیا ہے۔