علامہ اقبال اوپن یونیورسٹی میں ایم ایس،ایم فل،پی ایچ ڈی پروگرامز میں داخلوں کی آخری تاریخ 20 اگست مقرر

جمعرات 15 اگست 2024 20:35

ڈیرہ غازی خان (اُردو پوائنٹ اخبارتازہ ترین - اے پی پی۔ 15 اگست2024ء) علامہ اقبال اوپن یونیورسٹی میں ایم ایس،ایم فل،پی ایچ ڈی پروگرامز میں داخلوں کی اخری تاریخ 20 اگست مقرر جبکہ میٹرک، ایف اے، اور آئی کام پروگرامز کے داخلوں کی اخری تاریخ 5 ستمبر مقررکی گئی ہے۔ علامہ اقبال اوپن یونیورسٹی کے ریجنل ڈائریکٹر قیصر عباس کاظمی نے کہا ہے کہ علامہ اقبال اوپن یونیورسٹی میں ایم ایس، ایم فل اور پی ایچ ڈی پروگرامز کے داخلوں کے لیے اپلائی صرف آن لائن موڈ کے تحت کیا جا سکتا ہے دیگر تفصیلات یونیورسٹی کی ویب سائٹ پر دستیاب ہیں۔

داخلہ ٹیسٹ 22 سے 24 اگست کو ہوں گے، فیکلٹی آف عربی و علوم اسلامی کے انٹری ٹیسٹ 22 اگست فیکلٹی آف سائنسز کے انٹری ٹیسٹ 23 اگست جبکہ فیکلٹی اف سوشل سائنسز اینڈ ہیومینٹیز کے انٹری ٹیسٹ 24 اگست کو ہوں گے ۔

(جاری ہے)

اپلائی کرنے والے تمام امیدواروں کو ہدایت کی گئی ہے کہ وہ مقررہ تاریخ اور اوقات کار کے مطابق داخلہ ٹیسٹ کے لیے یونیورسٹی پہنچیں۔ واضح رہے کہ میٹرک ایف اے اور ائی کام پروگرامز سمسٹربہار 2024 کے داخلے پانچ ستمبر تک جاری رہیں گے ،ان پروگرامز کے داخلہ فارم اور پراسپیکٹس علامہ اقبال اوپن یونیورسٹی کے ریجنل کیمپس ڈیرہ غازی خان اور قائم کردہ سیل پوائنٹس سے بھی حاصل کیے جا سکتے ہیں ۔مزید معلومات کے لیے دفتر کے ٹیلی فون نمبرز 0649260386 اور 0649260387 پر رابطہ کیا جاسکتا ہے۔