مختلف ائیرپورٹس سے 26 غیر ملکی پروازوں کی آمد اور روانگی تاخیر کا شکارہوگئی

جمعرات 22 اگست 2024 11:51

کراچی (اُردو پوائنٹ اخبارتازہ ترین - این این آئی۔ 22 اگست2024ء) ملک بھر کے مختلف ائیر پورٹس سے 26 غیر ملکی پروازوں کی آمد اور روانگی تاخیر کا شکار ہوگئی۔فلائٹ شیڈول کے مطابق کراچی لاہور سے جدہ کیلئے پی آئی اے کی 2 پروازیں منسوخ ہوگئیں۔

(جاری ہے)

دوسری جانب کراچی جدہ نجی ائیر لائن کی 2 پروازیں ساڑھے 4 گھنٹے، دبئی کراچی کی غیر ملکی ائیر لائن کی پرواز 3 گھنٹے، غیر ملکی ائیرلائن کی دمشق کراچی کی پروازیں 2 گھنٹے، دبئی لاہور کی نجی ائیر کی پرواز شیڈول سے 8 گھنٹیاور لاہور سے جدہ، استنبول، کویت سٹی کی 4 پروازیں ایک سے زائد گھنٹہ تاخیر کا شکار ہیں۔

بحرین سیالکوٹ کی غیر ملکی پروازیں 2 گھنٹے، اسلام آباد جدہ پرواز 3 گھنٹے، اسلام آباد بحرین کی گلف ائیر کی پرواز ایک گھنٹہ، پی آئی اے کی اسلام آباد کوالالمپور کی پرواز ایک گھنٹہ اور اسلام آباد شارجہ کی نجی ائیر لائن کی پرواز ساڑھے 3 گھنٹے تاخیر کا شکار ہیں۔