جہانیاں،اے سی کا پائپ پھٹنے سے آگ بھڑک اٹھی،گھر میں سوئے دو نوجوان جھلس کر جاں حق

جمعہ 30 اگست 2024 15:04

جہانیاں(اُردو پوائنٹ اخبارتازہ ترین - این این آئی۔ 30 اگست2024ء) اے سی کا پائپ پھٹنے سے آگ بھڑک اٹھی،گھر میں سوئے دو نوجوان جھلس کر جاں حق ،دونوں موت و حیات کی کشمکش میں مبتلا رہنے کے بعدہسپتال میں دم توڑ گئے ۔تفصیل کے مطابق صوبہ پنجاب کے شہر جہانیاں میںگھر میں اے سی چلا کردو کزن سو رہے تھے کہ اچانک ائیر کنڈیشنڈ کا پائپ پھٹنے سے آگ بھڑک اٹھی جس نے پورے گھر کو لپیٹ میں لے لیا گھر کا فرنیچر اور سامان جل کر خاکستر ہو گیا جبکہ گھر سوئے ہوئے دو نوجوان حیدر علی اور اریب بھی بری طرح جھلس گئے جنہیں ریسکیو1122نے طبی امداد کے بعد ٹی ایچ کیو ہسپتال جہانیاں منتقل کیا اور بعدازاں انہیں نشتر ہسپتال ملتان کے برن یونٹ میں منتقل کیا گیا۔

حالت تشویشناک ہونے پر دونوںنوجوانوں حیدرعلی اور اریب حیدر کو سی ایم ایچ کھاریاں منتقل کیا گیا جہاں وہ موت و حیات کی کشمکش میں مبتلا رہنے کے بعد وقفے سے زندگی کی بازی ہار گئے۔

(جاری ہے)

مرحومین کی وفات پرجہانیاں میںفضاء سوگوار ہو گئی جبکہ مرحومین کی رہائش گاہ کے باہر رقت آمیز مناظر دیکھنے میں آئے، جواں سال لڑکوں کی المناک موت پر دوست احباب عزیز و اقارب اشکبار نظر آئے۔

دریں اثنا ء مرحومین کی وفات پر صدر انجمن حسینیہ سید عدنان قمر جعفری، سید سرفراز شاہ، چوہدری خادم حسین، سید علی رضا شاہ، سابق صدر بار محمد لطیف خان خٹک، نذیر احمد خان، ڈاکٹر عمران فاروق، محمد عارف سعید، شبیر احمد شاہد، بینک آفیسر چوہدری سعید اقبال، پروفیسر ڈاکٹر جاوید اصفر، پروفیسر محمد خلیل، چوہدری ثنا ء اللہ احسان، ڈاکٹر یاسین گل، زین یوسف، شیخ عبدالرحمان شان، ریسکیو آفیسر عقیل اختر سمیت صحافیوں، میپکو افسران و اہلکاران اور معززین علاقہ نے تعزیت کا اظہار کیاہے۔