حکومت عمران خان سے ملاقات کروادے، ہمیں احتجاج پرمجبور نہ کرے، صنم جاوید

پیر 14 اکتوبر 2024 22:09

پشاور(اُردو پوائنٹ اخبارتازہ ترین - آن لائن۔ 14 اکتوبر2024ء) پی ٹی آئی رہنما صنم جاوید نے کہا ہے کہ خان صاحب سے ملاقات کروا دیں، ہمیں احتجاج پر مجبور نہ کریں۔پی ٹی آئی رہنما Wصنم جاوید اسلام آباد میں احتجاج سے قبل راہداری اور حفاظتی ضمانت کروانے پشاور ہائیکورٹ پہنچ گئیں۔

(جاری ہے)

صنم جاوید نے اس موقع پر میڈیا سے گفتگو کرتے ہوئے کہا کہ کل کے احتجاج سے قبل ضمانت کے لئے آئی ہوں، ہم نے سیدھی بات کی کہ خان صاحب سے ملاقات کروا دیں، ہمیں احتجاج پر مجبور نہ کریں، ہم صرف بانی پی ٹی آئی کی خیریت جاننا چاہتے ہیں۔

صنم جاوید کا کہنا تھا کہ ہم کسی کے گھروں میں نہیں گھستے ہم فسادی نہیں، علی امین گنڈاپور چاہتے تو وہ بھی شیلنگ کر سکتے تھے اور لوگوں کو لڑوا سکتے تھے، لیکن انہوں نے ایسا نہ کیا۔انہوں نے مزید کہا کہ چیئرمین پی ٹی آئی بیرسٹر گوہر نے وزارت داخلہ کو بانی پی ٹی آئی سے ملاقات کروانے کی درخواست دی ہے، اگر وہ ملاقات نہیں کرواتے تو ہم پھر مجبوراً احتجاج کریں گے۔