کو ئٹہ سمیت صوبے کے بیشتر علا قوں میں موسم خشک اور گرم رہے گا ، محکمہ موسمیات

منگل 15 اکتوبر 2024 16:21

کوئٹہ (اُردو پوائنٹ اخبارتازہ ترین - اے پی پی۔ 15 اکتوبر2024ء) کو ئٹہ سمیت صوبے کے بیشتر علا قوں میں موسم خشک اور گرم رہے گا تا ہم شام کے وقت بلو چستان بعض اضلاع میں گرج چمک کے ساتھ بارش کا امکان ہے۔

(جاری ہے)

صوبائی محکمہ موسمیات کے مطابق جنوبی اضلاع میں مطلع جزوی ابر آلود رہنے کے علاوہ لسبیلہ، گوادر، جیوانی، کیچ ،خضدار، تربت اورآواران میں چند مقامات پرتیز ہوائیں چلنے اور گرج چمک کے ساتھ بارش کا امکان ہے جبکہ وادی کو ئٹہ اور گرد و نواح میں موسم خشک رہے گا ،شام کے اوقات میں کو ئٹہ میں خنکی میں اضافہ ہوگیا شہر میں میں زیادہ سے زیادہ درجہ حرارت 28ڈگری سینٹی گر یڈ ریکارڈ کیا گیا۔ اسی طرح گوادر37،قلات 24، تربت 39،جیونی 36،سبی 38،نوکنڈی میں 37 ڈگر ی سینٹی گریڈ ریکارڈ کیا گیا۔