آپریشنل وجوہات کے سبب 6 غیر ملکی پروازیں منسوخ

جمعرات 17 اکتوبر 2024 21:29

کراچی (اُردو پوائنٹ اخبارتازہ ترین - آن لائن۔ 17 اکتوبر2024ء) آپریشنل وجوہات کے سبب 6 غیر ملکی پروازیں منسوخ کر دی گئیں جبکہ 15 تاخیر کا شکار ہوئیں۔ فلائٹ شیڈول کے مطابق کوالالمپور سے کراچی کی غیر ملکی ایئر لائن کی پروازیں او ڈی 135 اور 136 کو منسوخ کر دیا گیا۔دبئی سے کراچی کی پی آئی اے کی پرواز پی کے 214 منسوخ کر دی گئی۔ایوی ایشن ذرائع کے مطابق دبئی سے لاہور کے لیے نجی ایئر لائن کی پرواز ای آر 724 منسوخ کر دی گئی۔

بحرین سے پشاور کی غیر ملکی ایئر لائن کی پروازیں جی ایف 786 اور 787 منسوخ کر دی گئیں۔

(جاری ہے)

ابوظبی، جدہ، استنبول اور دمام سے اسلام آباد کی پروازیں 1 سے 3 گھنٹے تاخیر کا? شکار ہیں جبکہ اسلام آباد سے دبئی اور جدہ کی پروازیں بھی 1 سے 3 گھنٹے تاخیر کا شکار ہوئیں۔اسلام آباد سے دبئی کی غیر ملکی ایئر لائن کی پرواز ای کے 613 تین گھنٹے کی تاخیر سے دوپہر 12 بجے روانہ ہوئی۔استنبول سے کراچی کی 4 پروازیں اور کراچی سے دمشق کی 2 پروازیں تاخیر کا شکار ہیں جبکہ جدہ اور دبئی سے ملتان کی پروازوں کی آمد میں 1 سے ڈھائی گھنٹے تاخیر ہوئی۔کویت سٹی اور استنبول سے لاہور کی پروازیں 1 گھنٹے سے زائد کی تاخیر کا شکار ہیں اور لاہور سے دبئی کی پرواز ایف زیڈ 360 پونے 3 گھنٹے تاخیر سے روانہ ہو ئی۔#

Facebook Twitter Google + Share on Whatsapp

آپریشنل وجوہات کے سبب 6 غیر ملکی پروازیں منسوخ

متعلقہ عنوان :

مزید قومی خبریں