پاکستان کرکٹ کو پی آر ایجنسیوں کی نہیں مؤثر پرفارمنس کی ضرورت ہے: محمد حفیظ

سابق کپتان اور ٹیم ڈائریکٹر نے نعمان، کامران، آغا سلمان اور ساجد علی کی بھی تعریف کی

ذیشان مہتاب جمعہ 18 اکتوبر 2024 16:08

پاکستان کرکٹ کو پی آر ایجنسیوں کی نہیں مؤثر پرفارمنس کی ضرورت ہے: محمد ..

لاہور (اردو پوائنٹ تازہ ترین اخبار ۔ 18 اکتوبر 2024ء ) ملتان ٹیسٹ میں انگلینڈ کے خلاف 152 رنز کی جیت کے بعد سابق کپتان محمد حفیظ نے ‘پی آر ایجنسیوں’ کو تنقید کا نشانہ بنا ڈالا۔ سماجی رابطے کی سائٹ ایکس (ٹوئٹر) پر لکھا کہ “پاکستان کرکٹ کو کامران غلام، سلمان آغا، ساجد خان اور نعمان علی جیسے پلئیرز کی میچ وننگ کارکردگی کی ضرورت ہے نہ کہ پی آر ایجنسیوں کی”۔

(جاری ہے)

ماضی میں سابق چیئرمین پی سی بی ذکا اشرف اور نجم سیٹھی کے دور میں کھلاڑیوں پر پی آر ایجنسیوں کیساتھ مبینہ گٹھ جوڑ کے ذریعے بورڈ کو بلیک میل کیا گیا تھا اور اپنی شرائط منوائیں تھی جس پر ایکشن لینے کا اعلان کیا گیا تھا۔ تاہم اس سے قبل دونوں بورڈ چیئرمین کی مدت ملازمت ختم ہوگئی اور پی آر ایجنسیاں کھلاڑیوں کیساتھ اپنے روابط قائم رکھے۔

اسی طرح خبریں سامنے آئیں تھی کہ سینٹرل کنٹریکٹ میں پی آر ایجنسیوں کے اثر رسوخ کی وجہ سے پلئیرز نے بورڈ کیخلاف علم بغاوت بلند کردیا تھا تاہم اگلے ایک سال میں ناقص فارم اور خراب کارکرگی نے بہت سے کھلاڑیوں کو گھمنڈ چکنا چُور کردیا اور اب پلئیرز سینٹرل کنٹریکٹ میں تنزلی سے بچنے کی کوشش کررہے ہیں۔