لاہور سمیت پنجاب کے بیشتر علاقوں میں موسم گرم وخشک رہنے کا امکان ہے ،محکمہ موسمیات

ہفتہ 19 اکتوبر 2024 23:01

لاہور (اُردو پوائنٹ اخبارتازہ ترین - اے پی پی۔ 19 اکتوبر2024ء) محکمہ موسمیات کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجا ب کے بیشتر علاقوں میں موسم گرم اور خشک رہنے کا امکان ہے تاہم موسمی تبدیلی کے باعث صبح کے اوقات میں سردی میں اضافہ ہو گیا ہے۔ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم خشک رہا۔

(جاری ہے)

لاہور میں کم سے کم درجہ حرارت 21اور زیادہ سے زیادہ 33سینٹی گریڈ ریکارڈ کیا گیا جبکہ ہوا میں نمی کا تناسب 37فیصد رہا۔اسی طرح لا ہور میں آلودگی کی مجموعی شرح177فیصد رہی جبکہ شہر کے مختلف علاقوں میں ایئر کوالٹی انڈیکس ذکی فارمز میں 250،ٹھوکر نیاز بیگ 183، فیز ایٹ ایوی گریٹ200،نیٹسول آفس 187،ٹھوکر نیاز بیگ 183،یو ایم ٹی 198،یوایس قونصلیٹ 181،ریونیو سو سائٹی 216،پاکستان انجینئر نگ سو سائٹی 198اور فیز ایٹ ڈی ایچ اے میں 186ایئر کوالٹی انڈیکس ریکارڈ کیاگیا۔