رمیز راجا نے بابر اعظم کا موازنہ سر ویوین رچرڈز سے کر ڈالا

بابر بڑے مقابلے میں بڑی اننگز کھیلنے والے کرکٹر، انہیں اپنے ٹمپرامنٹ سے ثابت کرنا ہے وہ ویوین رچرڈز ہیں : سابق چیئرمین پی سی بی

ذیشان مہتاب بدھ 30 اکتوبر 2024 17:33

رمیز راجا نے بابر اعظم کا موازنہ سر ویوین رچرڈز سے کر ڈالا

لاہور (اردو پوائنٹ تازہ ترین اخبار ۔ 30 اکتوبر 2024ء ) پاکستان کرکٹ بورڈ (پی سی بی) کے سابق چیئرمین اور سابق ٹیسٹ کرکٹر رمیز راجا ایک مرتبہ پھر بابر اعظم کی حمایت میں بول پڑے۔ اپنے یوٹیوب چینل پر گفتگو کرتے ہوئے 62 سالہ سابق ٹیسٹ کرکٹر رمیز راجا نے بابر اعظم کا موازنہ 72 سالہ ویسٹ انڈین لیجنڈ سر ویوین رچرڈز سے کرتے ہوئے موقف اختیار کیا کہ بابر بڑے مقابلے میں بڑی اننگز کھیلنے والے کرکٹر ہیں، انہیں اپنے ٹیمپرامنٹ سے ثابت کرنا ہے وہ ویوین رچرڈز ہیں۔

(جاری ہے)

مجھے یقین ہے کہ بابر اعظم کو ابھی مزید آگے جانا ہے، وہ ریڈ بال کرکٹ میں بہت اچھے کرکٹر ہیں، ون ڈے اور ٹی20 فارمیٹس میں بھی ان کی اوسط 50 سے زیادہ ہے۔ یاد رہے کہ کپتانی کو خیر باد کہنے کے بعد پہلی بار بطور بیٹر بابر اعظم آسٹریلیا میں 3 ون ڈے اور 3 ٹی20 کھیلنے کیلئے ساتھی کرکٹرز کے ساتھ میبلورن پہنچے ہیں۔