آئندہ چوبیس گھنٹوں کے دوران پنجاب کے بیشتر علاقوں میں موسم خشک،سموگ چھائے رہنے کا امکان

ہفتہ 2 نومبر 2024 23:19

لاہور (اُردو پوائنٹ اخبارتازہ ترین - اے پی پی۔ 02 نومبر2024ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجا ب کے بیشتر علاقوں میں موسم خشک اور سموگ چھا ئے رہنے کا امکان ہے۔ترجمان محکمہ موسمیات کے مطابق سیالکوٹ، نارووال ، گوجرانوالہ ،لاہور، شیخوپورہ،قصور،اوکاڑہ ، فیصل آباد،سرگودھا،جھنگ ،بہاولپور ،ملتان ،ڈی جی خان اور گردونواح میں صبح اور رات کے ا وقات میں سموگ چھائے رہنے کی توقع ہے۔

(جاری ہے)

ترجمان کے مطابق گزشتہ چوبیس گھنٹوں کے دوران لا ہور سمیت پنجاب کے اکثر علاقوں میں موسم خشک رہا۔لاہور میں کم سے کم درجہ حرارت 18اور زیادہ سے زیادہ 32سینٹی گریڈ ریکارڈ کیا گیا جبکہ ہوا میں نمی کا تناسب47فیصد رہا۔لا ہور میں آلودگی کی مجموعی شرح194فیصد رہی جبکہ شہر کے مختلف علاقوں میں ایئر کوالٹی انڈ یکس لاہور امر یکن سکول 179 ،یو ایم ٹی193،نیٹسول آفس196،سی ای آر پی247،یوایس قونصلیٹ 200،پاکستان انجینئر نگ سو سائٹی 221اور سید مراتب علی روڈ پر216ریکارڈ کیا گیا۔