قائم مقام صدرِ مملکت سید یوسف رضا گیلانی کی کبیر والا میں ایم این اے رضا حیات ہراج کے والد کی رسم قل میں شرکت

بدھ 6 نومبر 2024 19:27

ملتان (اُردو پوائنٹ اخبارتازہ ترین - اے پی پی۔ 06 نومبر2024ء) قائم مقام صدرِ مملکت سید یوسف رضا گیلانی نے بدھ کے روز کبیر والا میں رکن قومی اسمبلی رضا حیات ہراج کے والد کی رسم قل میں شرکت کی۔قائم مقام صدر نے ایم این اے رضا حیات ہراج ، رکن صوبائی اسمبلی اکبر حیات ہراج اور اصغر حیات ہراج سے انکے والد کی وفات پر تعزیت کی اور مرحوم سابق بیوروکریٹ خضر حیات ہراج کے درجات کی بلندی کےلئے دعا کی۔

(جاری ہے)

اس موقع پر سید یوسف رضا گیلانی نے بیرسٹر رضا حیات ہراج کی دستار بندی بھی کی۔رسم قل میں ایم پی اے رانا اقبال سراج،مہر امیر عباس،رانا بابر،عامر حیات ہراج ،سابق ایم این اے سکندر بوسن سمیت عمائدین علاقہ اور مختلف شعبہ ہائے زندگی سے تعلق رکھنے والے افراد کی ایک بہت بڑی تعداد نے شرکت کی۔اس سے قبل معروف عالم دین مولانا طارق جمیل نے خطاب کیا اور مرحوم کے ایصالِ ثواب کےلئے دعا کرائی۔