لاہور سمیت پنجا ب کے بیشتر علاقوں میں موسم خشک،سموگ ود ھند چھائے رہنے کا امکان

بدھ 6 نومبر 2024 19:11

لاہور (اُردو پوائنٹ اخبارتازہ ترین - اے پی پی۔ 06 نومبر2024ء) صوبائی دارالحکومت لاہور سمیت پنجا ب کے بیشتر علاقوں میں آئندہ چوبیس گھنٹوں کے دوران موسم خشک جبکہ صبح و رات کے اوقات میں سموگ اور شدیدد ھند چھائے رہنے کی توقع ہے ۔محکمہ موسمیات نے پیشگوئی کی ہے کہ آئندہ چوبیس گھنٹوں کے دوران سیالکوٹ، نارووال ، گوجرانوالہ ،لاہور، شیخوپورہ،،قصور،اوکاڑہ ، فیصل آباد،سرگودھا،جھنگ ،بہاولپور ،ملتان ، رحیم یار خان،ڈی جی خان اور گردونواح میں بھی سموگ اور شدیدد ھند چھائے رہنے کا امکان ہے۔

(جاری ہے)

ترجمان محکمہ موسمیات کے مطابق گزشتہ روز پنجاب کے زیادہ تر علا قے سموگ اورد ھند کی لپیٹ میں رہے، لاہور میں کم سے کم درجہ حرارت 19اور زیادہ سے زیادہ 29سینٹی گریڈ ریکارڈ کیا گیا جبکہ ہوا میں نمی کا تناسب 49فیصد رہا،لا ہور میں آلودگی کی مجموعی شرح 422فیصد رہی جبکہ شہر کے مختلف علاقوں میں ایئر کوالٹی انڈ یکس شاہراہ قائد اعظم پر388، یو ایم ٹی 291،سی ای آر پی589،یوایس قونصلیٹ 551،عسکری ٹین 503،فیز ایٹ ڈی ایچ اے 719،پاکستان انجینئر نگ سو سائٹی 589اور سید مراتب علی روڈ پر603ایئر کوالٹی انڈیکس ریکارڈ کیا گیا ۔