دبئی روڈز اینڈ ٹرانسپورٹ اتھارٹی نے آئندہ سال کیلئے 'سالک' ٹول اور پارکنگ فیس کے نرخ معتارف کرا دیے

شہر میں ٹریفک کے بہاﺅ کو کنٹرول کرنے کیلئے جامع حکمت عملی کے تحت روڈ ٹول پرائسنگ (سالک) اور متغیر پارکنگ ٹیرف پالیسیوں کو لاگو کی جائیں گی، روڈز اینڈ ٹرانسپورٹ اتھارٹی

فیصل علوی جمعہ 29 نومبر 2024 11:55

دبئی روڈز اینڈ ٹرانسپورٹ اتھارٹی نے آئندہ سال کیلئے 'سالک' ٹول اور ..

دبئی(اردوپوائنٹ اخبار تازہ ترین۔ 29نومبر 2024) دبئی کی روڈز اینڈ ٹرانسپورٹ اتھارٹی (آر ٹی اے) آئندہ سال سے سالک ٹول ریٹس اور پارکنگ فیس کے نرخ متعارف کرا دیے۔ شہر میں ٹریفک کے بہاﺅ کو کنٹرول کرنے کیلئے جامع حکمت عملی کے تحت متغیر روڈ ٹول پرائسنگ (سالک) اور پارکنگ ٹیرف پالیسیوں کو لاگو کی جائیں گی،میڈیا رپورٹس کے مطابق آر ٹی اے حکام کا کہنا ہے کہ اس اقدام کا مقصد ٹریفک سروس کی سطح کو برقرار رکھنا اور ٹریفک کے حجم کو ایڈجسٹ کرنا اور سڑکوں کے نیٹ ورک اور چوراہوں پر ہجوم کو کنٹرول کرنا ہے۔

دبئی کی روڈز اینڈ ٹرانسپورٹ اتھارٹی کے مطابق روڈ ٹول پرائسنگ (سالک) سسٹم جو جنوری 2025 کے آخر میں شروع ہونے والا ہے۔ صبح 1 بجے سے صبح 6 بجے کے درمیان موٹرسائیکلوں کو ٹول فری راستہ فراہم کرے گا۔

(جاری ہے)

صبح کے اوقات میں (صبح 6 بجے سے 10 بجے تک) اور شام کے اوقات کار (4pm سے 8pm) کے دوران ٹول 6 درہم ہوگا جبکہ آف پیک اوقات کیلئے، صبح 10 بجے سے شام 4 بجے تک، اور شام 8 بجے سے صبح 1 بجے تک، ٹول4 درہم ہوگااس کے علاوہ اتواراور عوامی تعطیلات یا کسی خاص مواقع یا کسی اہم واقعات کو چھوڑ کر ٹول پورے دن میں 4 درہم ہوگا اور صبح 1 بجے سے صبح 6 بجے تک مفت ہوگا۔

اسی طرح متغیر پارکنگ ٹیرف پالیسی، جو مارچ 2025 کے آخر تک لاگو ہونے کیلئے طے کی گئی ہے۔ پریمیم پارکنگ کی جگہوں کیلئے ڈی ایچ 6 فی گھنٹہ اور صبح کے اوقات میں (صبح 8 بجے سے 10 بجے تک) اور شام کے اوقات میں پارکنگ کی فی 4 درہم فی گھنٹہ مقرر کرتی ہے۔ (4pm سے 8pm) صبح 10 بجے سے شام 4 بجے تک اور شام 8 بجے سے رات 10 بجے تک آف پیک اوقات کے دوران ٹیرف میں کوئی تبدیلی نہیں ہوگی جبکہ پارکنگ رات کو، رات 10 بجے سے صبح 8 بجے تک، اور اتوار کو سارا دن مفت ہوگی۔