پی ٹی آئی جتنی قربانیاں کسی نے نہیں دیں، ڈاکٹرعارف علوی

جمعرات 5 دسمبر 2024 22:45

کراچی (اُردو پوائنٹ اخبارتازہ ترین - آن لائن۔ 05 دسمبر2024ء) سابق صدرڈاکٹرعارف علوی نے کہا ہے کہ عوام کے ساتھ اسٹیبلشمنٹ اور حکومت کی دشمنی ہے۔سندھ ہائی کورٹ میں کیس کے سلسلے میں پیشی کے موقع پر گفتگو کرتے ہوئے سابق صدر عارف علوی نے کہا کہ انصاف کے لیے آئے تھے انصاف مل گیا ہے۔ جس انداز سے حکومت مقدمات بنا رہی ہے کچھ پتا نہیں چلے گا۔انہوں نے کہا کہ پہلے ہی 3 شہروں میں درج مقدمات میں پھنسا ہوا ہوں۔

دشمنی مول لی ہے، عوام کے ساتھ سب کی دشمنی ہے۔

(جاری ہے)

عوام کے ساتھ اسٹیبلشمنٹ کی دشمنی ہے، عوام کے ساتھ حکومت کی دشمنی ہے۔عارف علوی کا کہنا تھا کہ جتنی قربانیاں پاکستان میں پی ٹی آئی نے دی ہیں اتنی قربانیاں کسی نے نہیں دیں۔ لوگ شہید ہوگئے ان کی گنتی تک کرنے نہیں دی گئی۔قبل ازیں ملک بھر میں اپنے خلاف درج مقدمات کی تفصیلات کے کیس میں سابق صدر عارف علوی سندھ ہائی کورٹ پہنچے، جہاں سندھ ہائی کورٹ کے آئینی بینچ نے پولیس کوعارف علوی کو گرفتارکرنے سے روک دیا۔عدالت نے صوبائی اور وفاقی حکومت کو نوٹس جاری کرتے ہوئے 12 دسمبر تک جواب طلب کرلیا۔#

Facebook Twitter Google + Share on Whatsapp

پی ٹی آئی جتنی قربانیاں کسی نے نہیں دیں، ڈاکٹرعارف علوی

متعلقہ عنوان :

مزید قومی خبریں