لاہور سمیت پنجاب کے بیشتر علاقوں میں آئندہ چوبیس گھنٹوں کے دوران موسم سرد اور خشک رہنے کا امکان

بدھ 11 دسمبر 2024 23:09

لاہور (اُردو پوائنٹ اخبارتازہ ترین - اے پی پی۔ 11 دسمبر2024ء) لاہور سمیت پنجاب کے بیشتر علاقوں میں آئندہ چوبیس گھنٹوں کے دوران موسم سرد اور خشک رہنے کا امکان ہے تاہم سرد ی کی لہر برقرار رہے گی ۔ ترجمان محکمہ موسمیات کے مطابق پنجاب کے بالائی علاقوں میں کہر جبکہ وسطی اور جنوبی علاقوں میں بعض مقامات پر صبح اور رات کے اوقات میں ہلکی دھند چھائے رہنے کی توقع ہے۔

(جاری ہے)

گزشتہ 24 گھنٹوں کے دوران بیشتر علاقوں میں موسم سرد اور خشک رہا ۔ لاہور میں زیادہ سے زیادہ درجہ حرارت19سینٹی گریڈ ریکارڈ کیا گیا جبکہ ہوا میں نمی کا تناسب52رہا جبکہ لا ہور میں آلودگی کی مجموعی شرح 189فیصد رہی اور شہر کے مختلف علاقوں میں ایئر کوالٹی انڈ یکس پولوگرائونڈ 231،پاکستان انجینئرنگ سروسز 210،سی ای آر پی239،فدا حسین روڈ 206،ہائیکنگ اینڈ مونٹینی 251،غازی روڈ 203،طفیل روڈ176اور ایم ایم عالم روڈ پر194ایئر کوالٹی انڈیکس ریکارڈ کیا گیا۔