منہاج القرآن یونیورسٹی میں ختم بخاری شریف کی تقریب 15 دسمبر کو منعقد ہوگی ، ڈاکٹر محمد طاہر القادری خصوصی خطاب کریں گے

ہفتہ 14 دسمبر 2024 19:01

لاہور (اُردو پوائنٹ اخبارتازہ ترین - اے پی پی۔ 14 دسمبر2024ء) منہاج القرآن یونیورسٹی میں ختم بخاری شریف کی عظیم الشان تقریب 15 دسمبر بروز اتوار منعقدہوگی جس میں ملک بھر سے ہزاروں علمائے کرام شرکت کریں گے۔

(جاری ہے)

ترجمان کے مطابق شیخ الاسلام ڈاکٹر محمد طاہر القادری خصوصی خطاب کریں گے، آن لائن شرکت کیلئے علمائے کرام اور طلبہ کے لیے خصوصی لنک کے ذریعے رجسٹریشن ہو رہی ہے تاکہ بین الاقوامی سطح پر علمائے کرام اور طلبہ بھی اس نادر علمی موقع سے مستفید ہو سکیں۔ختم بخاری کی یہ نشست شام 5 بجے سے رات 10 بجے تک جاری رہے گی،تقریب کا اہتمام نظام المدارس پاکستان کے زیر انتظام کیا جا رہا ہے، جس میں شیوخ الحدیث، علمائے کرام، پروفیسرز اوراساتذہ سمیت مدارس کے طلبہ بھی شرکت کریں گے۔