ملک کے پہاڑی علاقوں میں شدیدسرد اور مطلع جزوی ابر آلود رہنے کا امکان ، محکمہ موسمیات

ہفتہ 14 دسمبر 2024 19:03

اسلام آباد (اُردو پوائنٹ اخبارتازہ ترین - اے پی پی۔ 14 دسمبر2024ء) محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم سرد اورخشک جبکہ پہاڑی علاقوں میں شدیدسرد اور مطلع جزوی ابر آلود رہنے کا امکان ہے۔

(جاری ہے)

اس دوران رات کے اوقات میں شمال مغربی بلو چستان میں مطلع ابر آلود رہنے کے علاوہ ہلکی بارش اور پہاڑوں پر برفباری کی توقع ہے تاہم صبح/رات کے اوقات میں وسطی/جنوبی پنجاب کے بعض مقامات پرہلکی دُھند چھائے رہنے کا بھی امکان ہے۔

گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا ہے جبکہ وسطی/جنوبی پنجاب کے بعض مقامات پرہلکی دُھند چھائی رہی۔ ہفتہ کو ریکارڈکئے گئے کم سےکم درجہ حرارت کی رپورٹ کے مطابق لہہ میں درجہ حرارت منفی13 ،اسکردو ، استور منفی11 ،بگروٹ، گوپس منفی 7، گلگت، ہنزہ منفی 6، کالام، قلات، کوئٹہ میں منفی5 ڈگری سینٹی گریڈ ریکارڈ کیا گیا۔