خیبر پختونخوا میں موسم خشک اور سرد رہے گا، محکمہ موسمیات

ہفتہ 21 دسمبر 2024 22:42

پشاور(اُردو پوائنٹ اخبارتازہ ترین - این این آئی۔ 21 دسمبر2024ء)خیبر پختونخوا میں موسم خشک اور سرد رہے گا ،بالائی اضلاع میں موسم شدید سرد رہے گا،،پشاور، نوشہرہ ، مردان ، چارسدہ ، صوابی اور ڈی آئی خان میں دھند چھائی رہے گی،محکمہ موسمیات کے مطابق خیبر پختونخوا میں موسم خشک اور سرد رہے گا ،بالائی اضلاع میں موسم شدید سرد رہے گا،،پشاور، نوشہرہ ، مردان ، چارسدہ ، صوابی اور ڈی آئی خان میں دھند چھائی رہے گی ،صبح اور رات کے اوقات میں شدید دھند پڑے گی ، پشاور کا کم سے کم درجہ حرارت منفی 1 ڈگری سینٹی گریڈ ریکارڈ کیا گیا ، شہر کا زیادہ سے زیادہ درجہ حرارت 20 ڈگری سینٹی گریڈ تک جانے کا امکان ہے ، سوات اوردیر میں پارا نقطہ انجماد سے گر گیا ، کالام ، دیر اور چترال میں درجہ حرارت منفی 5 سینٹی گریڈ ریکارڈ کیا گیا ، رسالپور میں درجہ حرارت منفی 4 ، مالم جبہ میں منفی 3 ، سیدو شریف اور پارا چنار میں منفی 2 ڈگری سینٹی گریڈ ریکارڈ کیا گیا۔