گراؤنڈ لیول پر کارکنوں کو متحرک کرنا ہمارا مقصد ہے،نوابزادہ میرجمال خان رئیسانی

کارکن حلقے میں صدر آصف زرداری اور چیئرمین بلاول بھٹو کے وژن کے سفیر ہیں،رکن قومی اسمبلی

اتوار 22 دسمبر 2024 19:40

کوئٹہ(اُردو پوائنٹ اخبارتازہ ترین - این این آئی۔ 22 دسمبر2024ء) پاکستان پیپلز پارٹی کے مرکزی رہنما و رکن قومی اسمبلی نوابزادہ میر جمال خان رئیسانی نے اتوارکو جتک ہاؤس کوئٹہ میں پاکستان پیپلز پارٹی کے رہنما و سابق صوبائی وزیر حاجی علی مدد جتک سے ملاقات کی اس موقع پر پیپلزپارٹی کے رہنما میر فرید رئیسانی بھی موجود تھے ملاقات میں ملکی سیاسی صورتحال،بلوچستان میں امن و امان اور این ای264میں ترقیاتی کاموں پرتبادلہ خیال کیا گیا۔

اس موقع پرنوابزادہ جمال خان رئیسانی کی سربراہی میں مختلف سیاسی و سماجی کارکنوںنے پیپلزپارٹی میں شمولیت کا اعلان کیانوابزادہ میر جمال خان رئیسانی اور حاجی علی مدد جتک نے شمولیت کرنے والوں کو پارٹی مفلر پہنائے۔نوابزادہ میر جمال خان رئیسانی نے جتک ہاؤس میں حلقے کے عوام سے بھی ملاقات کی اور شہریوں کے مسائل سنے اور تجاویز لیں۔

(جاری ہے)

رکن قومی اسمبلی نوابزادہ میر جمال خان رئیسانی نے کہا کہ گراؤنڈ لیول پر کارکنوں کو متحرک کرنا ہمارا مقصد ہے،کارکن حلقے میں صدر آصف زرداری اور چیئرمین بلاول بھٹو کے وژن کے سفیر ہیں۔

انہوں نے کہا کہ کارکن کو متحرک کرکے حلقے میں مسائل کا حل اور ترقیاتی کام کرائیں گے حلقہ این اے 264 میں کارکنوں کی 50فیصد سے زیادہ تعداد نوجوانوں کی ہے نوجوانوں کے جوش اور جذبے کو اپنا ہتھیار بناکر عوامی خدمت کریں گے۔