کراچی میں درجہ حرارت 9 ڈگری ہونے ، موسم سردوخشک رہنے کا امکان

شہر میں ہوائیں شمال مشرق سے چل رہی ہیں جن میں نمی کا تناسب 57 فیصد ہے‘محکمہ موسمیات

جمعرات 26 دسمبر 2024 14:42

کراچی (اُردو پوائنٹ اخبارتازہ ترین - این این آئی۔ 26 دسمبر2024ء)کراچی میں آئندہ 24 گھنٹوں کے دوران موسم سرد اور خشک رہنے کا امکان ہے۔محکمہ موسمیات کے مطابق گزشتہ 24 گھنٹوں کے دوران کراچی شہر میں کم سے کم درجہ حرارت 10.4 ڈگری سینٹی گریڈ ریکارڈ کیا گیا۔ کراچی میں اگلے 24 گھنٹوں میں کم سے کم درجہ? حرارت 9 سے 11 ڈگری سینٹی گریڈ تک رہنے کا امکان ہے۔

(جاری ہے)

محکمہ موسمیات کا کہنا ہے کہ شہر میں ہوائیں شمال مشرق سے چل رہی ہیں جن میں نمی کا تناسب 57 فیصد ہے۔دوسری جانب ملک کے بیشتر شہروں میں سردی کی شدت میں اضافہ ہوگیا ہے۔ بلوچستان کے شمال مشرقی اضلاع میں موسم شدید سرد ہے، وادی کوئٹہ اور گرد و نواح میں مطلع صاف اور موسم سرد و خشک رہے گا۔محکمہ موسمیات کے مطابق کوئٹہ میں کم سے کم درجہ حرارت منفی6 ڈگری سینٹی گریڈ ریکارڈ کیا گیا ہے۔محکمہ موسمیات کا کہنا ہے کہ بلوچستان کے پہاڑی علاقوں میں صبح اور رات کے اوقات میں موسم شدید سرد رہنے کا امکان ہے۔