کراچی،کورنگی میں تیز رفتار گاڑی کی ٹکر سے موٹرسائیکل سوار جاں بحق

پولیس کے مطابق جاں بحق ہونے والے شخص کی شناخت 30 سالہ محمد صدام ولد فخرالدین کے نام سے کی گئی

اتوار 29 دسمبر 2024 20:30

کراچی(اُردو پوائنٹ اخبارتازہ ترین - این این آئی۔ 29 دسمبر2024ء)کورنگی بلال کالونی چورنگی کے قریب تیز رفتار گاڑی کی ٹکر سے موٹرسائیکل سوار شخص جاں بحق ہوگیا۔

(جاری ہے)

تفصیلات کے مطابق کورنگی انڈسٹریل ایریا کے علاقے بلال چورنگی شیل پمپ کے قریب نامعلوم گاڑی کی ٹکر سے موٹرسائیکل سوار شخص جاں بحق ہوگیا۔متوفی کی لاش چھیپا ایمبولینس کے ذریعے جناح اسپتال منتقل کی گئی ، پولیس کے مطابق جاں بحق ہونے والے شخص کی شناخت 30 سالہ محمد صدام ولد فخرالدین کے نام سے کی گئی جو کورنگی مہران ٹاون کا رہائشی تھا۔