پاکستان ریلویز نے چھ ماہ میں 46 ارب روپے کما لیے، یہ آمدن پچھلے سال کے اسی دورانیے کی آمدن سے پانچ ارب روپے زیادہ ہے، عامر علی بلوچ

منگل 31 دسمبر 2024 17:40

اسلام آباد (اُردو پوائنٹ اخبارتازہ ترین - اے پی پی۔ 31 دسمبر2024ء) پاکستان ریلویز نے چھ ماہ میں 46 ارب روپے کما لیے، یہ آمدن پچھلے سال کے اسی دورانیے کی آمدن سے پانچ ارب روپے زیادہ ہے۔

(جاری ہے)

سی ای او ریلوے عامر علی بلوچ نے اپنے بیان میں بتایا کہ ریلوے نے مسافر ٹرینوں سے 24 ارب روپے کمائے، مال گاڑیوں سے 16 ارب روپے کی آمدن ہوئی جبکہ لینڈ، کوچنگ و دیگر ذرائع سے 6 ارب ریونیو حاصل ہوا۔ انہوں نے کہا کہ ریکارڈ آمدن ریلوے کی درست سمت کو ظاہر کر رہی ہے، 2025 ریلوے کے لیے تبدیلی کا سال ثابت ہو گا، مارچ تک کراچی کے لیے نئی ٹرین چلانے کا وعدہ پورا کریں گے۔