آئندہ چوبیس گھنٹوں کے دوران صوبے کے بیشتر حصوں میں موسم جزوی طور پر ابر آلود، سرد اور خشک رہنے کا امکان ہے، موسمیاتی مرکز بلوچستان

بدھ 8 جنوری 2025 18:48

کوئٹہ (اُردو پوائنٹ اخبارتازہ ترین - اے پی پی۔ 08 جنوری2025ء) آئندہ چوبیس گھنٹوں کے دوران صوبے کے بیشتر حصوں میں موسم جزوی طور پر ابر آلود رہنے کے ساتھ سرد اور خشک رہنے کی توقع ہے جبکہ وسطی پہاڑی علاقوں میں شدید سردی پڑنے اور جنوب مغربی اضلاع میں تیز ہوائیں چلنے کا امکان ہے۔

(جاری ہے)

علاقائی موسمیاتی مرکز بلوچستان کے مطابق جمعرات کو صوبے کے بیشتر حصوں میں موسم جزوی طور پر ابر آلود رہنے کے ساتھ سرد اور خشک رہنے کی توقع ہے جبکہ وسطی پہاڑی علاقوں میں بہت سردی ہوگی، جنوب مغربی اضلاع میں تیز ہوائیں چلنے کا امکان ہے۔

گزشتہ 24 گھنٹوں کے دوران سب سے کم درجہ حرارت قلات میں منفی 06.5 ڈگری سینٹی گریڈ ریکارڈ کیا گیا جبکہ کوئٹہ شہر میں منفی 6ڈگری سینٹی گریڈ ، سمنگلی میں منفی 5.6ڈگری سینٹی گریڈ ، آر ایم سی میں منفی 4ڈگری سینٹی گریڈ ، سریاب منفی 3، پنجگور منفی ایک، دالبندین صفر، نوکنڈی صفر، ژوب 0.5، خضدار میں ایک ڈگری سینٹی گریڈ، لسبیلہ 3، بارکھان 3.5، سبی 3.5 گوادر 9، جیوانی 10 اور تربت میں 12 ڈگری سینٹی گریڈ ریکارڈ کیا گیا۔