شدید دھند کے باعث موٹروے ایم 2 اسلام آباد سے لاہور جانے والی ٹریفک کے لئے بند

ہفتہ 11 جنوری 2025 00:30

اسلام آباد (اُردو پوائنٹ اخبارتازہ ترین - اے پی پی۔ 11 جنوری2025ء) شدید دھند کے باعث موٹروے ایم 2 اسلام آباد سے لاہور جانے والی ٹریفک کے لئے بند کر دیا گیا ہے جبکہ کلر کہار سے اسلام اباد انے والی ٹریفک کے لئے موٹر وے ایم ٹو کھلی ہے۔ ترجمان موٹروے پولیس کی مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کی جان و مال کی حفاظت ہے۔

(جاری ہے)

شہریوں سے درخواست ہے کہ دھند کہ اوقات میں غیر ضروری سفر سے گریز کریں، اپنا سفر دن کی روشنی میں مکمل کر کے دھند کے اغاز سے پہلے اپنے منزل مقصود تک پہنچ جائیں۔ انہوں نے کہ گاڑیوں میں فوگ لائٹس کا استعمال کریں ۔تیز رفتاری سے پرہیز کریں اور اگلی گاڑی سے مناسب فاصلہ معمول سے زیادہ رکھیں۔ سفر شروع کرنے سے پہلے موٹروے پولیس ہیلپ لائن 130 اور نیشنل ہائی ویز اینڈ موٹروے پولیس کے افیشل سوشل میڈیا اکاؤنٹ سے بھی تازہ ترین معلومات حاصل کی جا سکتی ہیں۔