جماعت اسلامی کی جانب سے آل پارٹیز کانفرنس (کل) سکھر میں ہوگی، انتظامات مکمل

ہفتہ 11 جنوری 2025 19:46

کراچی/سکھر (اُردو پوائنٹ اخبارتازہ ترین - این این آئی۔ 11 جنوری2025ء) جماعت اسلامی کی جانب سے بالائی سندھ میں بڑھتی ہوئی بدامنی، اغوا، ڈاکہ زنی، ڈاکو راج اور قبائلی جھگڑوں کے خلاف آل پارٹیز کانفرنس کل اتوار کو سکھر کے مقامی ہوٹل میں منعقد ہوگی۔

(جاری ہے)

صوبائی ترجمان مجاہد چنا کے مطابق سندھ کے امیر کاشف سعید شیخ کی صدارت میں ہونے والی ای پی سی میں مختلف سیاسی، دینی، قوم پرست جماعتوں کے رہنما، وکلاء ، صحافی، اقلیتی برادری اور سول سوسائٹی کے نمائندے شرکت کریں گے۔

ای پی سی میں سندھ میں امن کی بحالی، ڈاکو راج اور قبائلی جھگڑوں کے خاتمے کے لیے غور و فکر کے بعد مشترکہ حکمت عملی تیار کی جائے گی۔ توقع ہے کہ یہ ای پی سی باب الاسلام سندھ میں امن کے قیام کے لیے اہم پیش رفت ثابت ہوگی۔ صوبائی رہنماؤں علامہ حزب اللہ جکرو اور زبیر حفیظ شیخ نے ای پی سی کے مقام کا دورہ کر کے انتظامات مکمل کر لیے ہیں اور اس کو حتمی شکل دی ہے۔