خیبر پختونخوا میں موسم سرد اور خشک ،بالائی اضلاع میں موسم شدید سرد رہے گا، محکمہ موسمیات

منگل 14 جنوری 2025 20:36

پشاور(اُردو پوائنٹ اخبارتازہ ترین - این این آئی۔ 14 جنوری2025ء)خیبر پختونخوا میں موسم سرد اور خشک رہے گا، آئندہ چوبیس گھنٹوں کے دوران چترال ، دیر اور کوہستان میں ہلکی بارش اور پہاڑوں پر برف باری کا امکان ہے ۔

(جاری ہے)

محکمہ موسمیات کے مطابق خیبر پختونخوا میں موسم سرد اور خشک جبکہ بالائی اضلاع میں موسم شدید سرد رہے گا ،آئندہ چوبیس گھنٹوں کے دوران چترال ، دیر اور کوہستان میں ہلکی بارش اور پہاڑوں پر برف باری کا امکان ہے ،چارسدہ، نوشہرہ، مردان، صوابی، ڈی ائی خان میں صبح اور رات کے اوقات میں دھند چھائی رہے گی،،پشاور میں کم سے کم درجہ حرارت 2 ڈگری سینٹی گریڈ ریکارڈ کیا گیا، شہر کا زیادہ سے زیادہ درجہ حرارت 22 ڈگری سینٹی گریڈ تک جانے کا امکان ہے ،، سب سے کم درجہ حرارت کالام میں منفی 7 ، دیر اور چترال میں منفی 4 ڈگری سینٹی گریڈ ریکارڈ کیا گیا ،،پاراچنار اور دورش میں درجہ حرارت منفی 3 جبکہ تیمرگرہ ، سیدو شریف ، مالم جبہ میں منفی 1 ڈگری سینٹی گریڈ ریکارڈ کیا گیا۔