سکیورٹی فورسز کا وادی تیراہ میں آپریشن، 5 خوارج ہلاک اور ایک کو گرفتار کرلیا گیا

ہلاک دہشتگردوں سے اسلحہ اور گولہ بارود بھی برآمد، ہلاک خوارج دہشتگردی سمیت شہریوں کے قتل میں ملوث تھے۔ آئی ایس پی آر

ثنااللہ ناگرہ جمعہ 17 جنوری 2025 19:53

سکیورٹی فورسز کا وادی تیراہ میں آپریشن، 5 خوارج ہلاک اور ایک کو گرفتار ..

راولپنڈی (اُردو پوائنٹ اخبارتازہ ترین۔ 17 جنوری 2025ء) پاک فوج کا ملک بھر میں دہشتگردوں اور سہولتکاروں کے خلاف انٹیلی جنس بیسڈ آپریشن کامیابی سے جاری ہے، سکیورٹی فورسز نے وادی تیراہ میں آپریشن کے دوران پانچ خوارج ہلاک کو ہلاک کردیا گیا۔

(جاری ہے)

پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے خوارج کی موجودگی پر خیبر کے علاقے وادی تیراہ میں انٹیلی جنس بیسڈ آپریشن کیا، آپریشن کے دوران رنگ لیڈر عابد اللہ تراب سمیت 5 خوارج دہشتگردوں کو جہنم واصل کردیا گیا۔

آپریشن کے دوران ایک خارجی دہشتگرد کو گرفتار بھی کرلیا گیا ہے۔ ہلاک دہشتگردوں سے اسلحہ اور گولہ بارود بھی برآمد کیا گیا۔ ہلاک خوارج دہشتگردی سمیت شہریوں کے قتل میں ملوث تھے۔ علاقے میں خوارج کے خاتمے کیلئے آپریشن جاری ہے۔ فورسز ملک سے دہشتگردی کی لعنت کو ختم کرنے کیلئے پرعزم ہیں۔