ویرات کوہلی اور روہت شرما کی فارم نہیں‘ معیار کو دیکھ کر تیاری کرتے‘فخر زمان

جسپریت بمرا ورلڈ کلاس بولر ہے، تاہم میچ میں کسی ایک پلیئر کیلئے تیاری نہیں ہوتی،انٹرویو

پیر 20 جنوری 2025 17:17

ویرات کوہلی اور روہت شرما کی فارم نہیں‘ معیار کو دیکھ کر تیاری کرتے‘فخر ..

لاہور(اُردو پوائنٹ اخبارتازہ ترین - این این آئی۔ 20 جنوری2025ء) پاکستان کے جارح مزاج اوپنر فخر زمان نے چیمپئنز ٹرافی میں پاک بھارت مقابلے سے قبل ان بھارتی پلیئرز کے نام بتائے ہیں جو اہم ہونگے۔آئی ایل ٹی ٹوئنٹی کھیلنے کے لیے دبئی میں موجود فخر زمان نے بھارتی یوٹیوب اسپورٹس چینل سے گفتگو کرتے کہا کہ ہاردک پانڈیا، ویرات کوہلی اور روہت شرما میری نظر میں بھارت کیلئے اہم پلیئرز ثابت ہوں گے، ہم بھی اپنی تیاری کررہے ہیں اور بھارتی کرکٹرز بھی اپنی تیاری کررہے ہوں گے۔

فخر زمان نے کہا ہے کہ ویرات کوہلی اور روہت شرما کافی کرکٹ کھیل چکے ہیں، اس لیے ان کی فارم کو نہیں ان کے معیار کو دیکھ کر تیاری کرتے ہیں، اگر دونوں پلیئرز کے کچھ میچز برے ہوئے یا وہ فارم میں نہیں ہیں تو اس کا مطلب یہ نہیں کہ انھیں آسان لیا جائے۔

(جاری ہے)

جارح مزاج پاکستانی اوپنر نے کہا کہ ویرات اور روہت اتنی کرکٹ کھیل چکے ہیں کہ ان کی فارم کو نہیں ان کے معیار کو دیکھ کر تیاری کرتے ہیں، ان کے اگر کچھ میچز برے ہوئے یا فارم نہ ہوں تو اس کا مطلب یہ نہیں کہ ان کو آسان سمجھیں گے۔

ان کا مزید کہنا تھا کہ جسپریت بمرا ورلڈ کلاس بولر ہے، تاہم میچ میں کسی ایک پلیئر کیلئے تیاری نہیں ہوتی، پورے 11 پلیئرز کیلئے تیاری کی جاتی ہے۔فخر زمان نے کہا کہ بھارتی کرکٹ ٹیم پاکستان آتی تو اچھا ہوتا لیکن یہ چیزیں ہمارے کنٹرول میں نہیں ہیں، ہمارے کنٹرول میں یہی ہے کہ اچھی کرکٹ کھیلیں،روایتی حریف کیخلاف ہوم کراؤڈ کی کمی محسوس ہوگی لیکن امید ہے اس میچ میں دبئی میں بھی سپورٹ ملے گی لیکن سب سے زیادہ اہم بات یہ ہے کہ ہماری ٹیم گراؤنڈ میں کس طرح کی کارکردگی پیش کرتی ہے۔فخر زمان نے مزید کہا کہ دبئی کی وکٹیں اب پہلے کی طرح سلو نہیں ہوتیں، گراؤنڈ اسٹاف پر منحصر ہے کہ چیمپئنز ٹرافی کیسی وکٹیں ہوتی ہیں۔