ملک کے بیشتر علاقوں میں موسم سرد اور خشک رہنے کا امکان

خیبرپختونخوا کے بیشتر اضلاع میں موسم سرداور خشک جبکہ بالائی اضلاع میں شدید سرد رہنے کا امکان

پیر 27 جنوری 2025 17:55

اسلام آباد(اُردو پوائنٹ اخبارتازہ ترین - این این آئی۔ 27 جنوری2025ء)محکمہ موسمیات نے کہا ہے کہ ملک کے بیشتر علاقوں میں موسم سرد اور خشک جبکہ پہاڑی علاقوں رات کے اوقات میں شدید سرد رہے گا۔محکمہ موسمیات کے مطابق اسلام آباد اور گرد و نواح میں موسم سرداور خشک رہنے کا امکان ہے۔

(جاری ہے)

پنجاب کے بیشتر اضلاع میں موسم سرد اور خشک جبکہ مری، گلیات اور گرد و نواح میں رات کے اوقات میں موسم شدید سرد رہنے کا امکان ہے۔

سیالکوٹ، نارووال، گوجرانوالہ اور گرد و نواح میں دھند رہنے کی توقع ہے۔سندھ اور بلوچستان کے بیشتر اضلاع میں موسم سرداور خشک جبکہ شمالی اضلاع میں شدید سرد رہنے کا امکان ظاہر کیا گیا ہے۔خیبرپختونخوا کے بیشتر اضلاع میں موسم سرداور خشک جبکہ بالائی اضلاع میں شدید سرد رہنے کا امکان ہے۔ کشمیر اور گلگت بلتستان میں موسم شدید سرد اورخشک رہنے کا امکان ظاہر کیا گیا ہے۔