خیبر پختونخوا میں موسم خشک اور سرد رہے گا

صوبے کے بالائی اضلاع میں آئندہ چوبیس گھنٹوں کے دوران بارش اور پہاڑوں پر ہلکی برف باری کا امکان ہے

جمعہ 31 جنوری 2025 23:21

پشاور(اُردو پوائنٹ اخبارتازہ ترین - این این آئی۔ 31 جنوری2025ء)خیبر پختونخوا میں موسم خشک اور سرد رہے گا ، صوبے کے بالائی اضلاع میں آئندہ چوبیس گھنٹوں کے دوران بارش اور پہاڑوں پر ہلکی برف باری کا امکان ہے۔

(جاری ہے)

محکمہ موسمیات کے مطابق خیبر پختونخوا میں موسم خشک اور سرد رہے گا ، آئندہ 24 گھنٹوں کے دوران چترال ، دیر ، سوات ، شانگلہ ، بونیر ، مالاکنڈ ،ایبٹ آباد ، مانسہرہ ، کوہستان ، بٹگرام ، مہمند ، باجوڑ ،کرم میں گرج چمک اور تیز ہوائوں کے ساتھ بارش اور پہاڑوں پر برف باری کا امکان ہے ،،گذشتہ روزچترال، دیر، سوات، ایبٹ ا?باد، نوشہرہ ، مردان اور باجوڑ میں بارش ہوئی،سوات میں ہلکی برف باری بھی ہوئی،،دیر میں 11 ، کالام میں 9 ، میر کھنی میں 7 ، دروش میں 6 ،مالام جبہ اور چترال میں 3 ملی میٹر بارش ہوئی ،،پشاور کا کم سے کم درجہ حرارت 7 ڈگری سینٹی گریڈ ریکارڈ کیا گیا،،شہر کا زیادہ سے زیادہ درجہ حرارت 22 ڈگری سینٹی گریڈ تک جانے کا امکان ہے ، سب سے کم درجہ حرارت کالام میں منفی ، پاراچنار اور مالم جبہ میں منفی 3 ، دیر میں منفی 2 ڈگری سینٹی گریڈ ریکارڈ کیا گیا۔